Nauhak nute pakhat

Nauhak tampi thusuhnak thawn hliakhlainak ka tuahnak ih ka hmuhsuah thupi zet pakhat cu nauhakpawl ziangvek canah an thin a na, ti hi a si. Nauhak nute pakhat in a nui’ parih a thinnatnak hiti’n she sim, “Ka nu in in kawk tikah ka rualpi thawn in tahṭhim ringring ṭheu. Ka thinheng thei tuk aw,” a ti. Nu le pa, nan fatepawl nan kawk tikah an rualpi thawn tahṭhim ih kawk ding a si lo. Ca an thiam lo, hmat ṭha an ngah lo tik khalah an rualpi thawi’ tahṭhim ih kawk hi nauhak thinlung damnak a si lo, hliamhma puttertu a si sawn. Mai’ sungsuak fate cu mi dang thawn tahṭhim ding a si lo.