2. An Thil Tuahṭhat Mi ah Lawm Aw.

2. An Thil Tuahṭhat Mi ah Lawm Aw.
Fate lom hi Laimi nu le pa in kan sam zet mi pakhat a si ve. Laimi nu le pa hrekkhat cu mi dang ih fate cu an lawm ṭheu nan an fate cu an lawm dah lo. Mi dang fate ih ṭhatnak le felnakpawl cu an rel duh zet nan an fatepawl ih ṭhatnak le felnakpawl cu an sim duh tuk ṭheu lo. Mi dang hnenah mai’ fatepawl ih ṭhatnak le felnak kan sim lo hmanah mai’ insang ah simin lomawk ding a si. Ziangahtile, nauhak cu thil ṭha an tuah mi parah lawm awla, thil ṭha dang khal an tuah bet duh vivo ding.